قصيده للشاعر الحسيني براق الخاقاني بعنوان هله بجيتك يمن طولت الغياب

هله بجيتك يمن طولت الغياب ---------- مو باب أنه أفكلك ميت ألف باب


يبن صدر الميامين---------- تعال وزور الحسين


ثار الحق على أسمك وأنت طلاب


يهلال الفرح وبجيتك العيد -------- أرجع لا تظل عن دارك بعيد


أمرنه على أمرك شنهو التريد --- تحت أمرك نظل ما نحمل أعتاب


نار الحب ألك يلهب جمرها ------- وبسمك روحي تتباهه بصبرها


أسيره بحبك ومافك أسرها --------ومسجونه بغرامك من الصلاب


يمن جيتك على أسرائيل زلزال--- فوت بزودك أحنه أسهول وجبال


على أمريكا خطيتك سيف جتال ----- يلبيك الزلم كل ساحه تنهاب


لا تبعد بعد مانحمل أفراك -------- بلكوفه و ألك كل ساعه نشتاك


هنياله الألك كل عمره تفاك ----------- يانسل لنبوه وصلب الطياب


لا تبعد علينه ولا تهاجر -------- أول جندي ألك أنه ومناصر


يمن لمقدمك نفدي المناحر -----ونتحده البعث وأشكال الرهاب




كلمات خادم سبايا الطف
براق الخاقاني